الله ننم اُولدی اُویمون سُؤندی چراغی💮
گِتدی اُوزی صد حیف اولا بوش قالدی اتاقی💮
عطری گلور اما گزورم ، یوخدی سراغی 💮
آثارینی گؤررم آنامین گؤز قاباقیندا💮
گؤزیاشی توکوب آغلیارام بوش اتاقیندا💮
آخر نفسی صاق صولونا بیر نظر اِتدی💮
یومدی گؤزونی دار فنادن حذر اِتدی💮
رخت سفرین باغلادی غملی سفر اِتدی💮
قلبیم غم آلور من باخورام هر یِره الله💮
دیداریمیزی قویدی فلک محشره الله💮
بیر ذره اُورکده آنامین مهری کم اولماز💮
عالمده ننه محنتی تک آیری غم اولماز💮
دنیا منه یولداش اولا والله ننم اولماز💮
هردم که گؤرَردیم اونی روحیه تاپاردیم💮
آخر ننه می حسرتیلن قبره آپاردیم💮
تاب اِتمز آنا دردینه والله اوجا داغلار💮
غمدن اَریوب سیل سرشکین یوزه باغلار💮
حقدور اُولوم اما ننه اُولسه اوغول آغلار💮
شوقیله دییَردی منه لایلای بالا لایلای💮
آغلار گوزولن سسلورم ایندی ننم ایوای💮
قاره گییرم جامه وصلت سویارام من💮
فکر اِیلمیون ذکر و نوادن دویارام من💮
سولموش یوزومی قبرینه هر دم قویارام من💮
اول لحظه ده احساس اِدرم دوردی دانیشدی💮
کوسموشدی گؤروب گؤزیاشیمی منله باریشدی💮
هر کس که اَلینده آنا تک نعمتی واردی💮
نه چهره سی آشفته دی نه محنتی واردی💮
هم شهرتی هم شوکتی هم عزتی واردی💮
چون وار آناسی فصل خزان دا اونا یازدی💮
هر گون ننه نین اُپسه ایاقین گنه آزدی💮
________تهیه کننده: بهروز امینی_________
آدرس آرامگاه :
خدابنده_روستای کشک آباد
از طرف :
بهروز امینی
لطفا شکیبا باشید